Në një intervistë për Cadena Cope lidhur me ‘detyrimin’ për të luajtur në pozicionin e sulmuesit qendror në Real Madrid këtë sezon, Rodrygo shprehu ndjenjat e tij.
Braziliani ka thënë se Carlo Ancelotti është në dijeni se ku dëshiron të luajë, por që e ka pranuar në shenjë të respektit që ka për italianin.
“Trajneri është në dijeni se pozicioni si sulmues qendror nuk është i preferuari im, por unë e kam pranuar rolin për të mirën e ekipit dhe për respekt ndaj tij, pasi besoj në strategjitë e tij. Ai është në të njëjtën vi me mua dhe tashmë nuk ka më mosmarrëveshje rreth kësaj”, ka thënë Rodrygo.
“Është një mundësi dhe një privilegj për mua të luaj aty, por ndihem se tiparet e mia nuk korrespondojnë me kërkesat e pozicionit. Nuk më pëlqen të luaj duke u markuar nga portieri, kam dëshirë të jem më aktiv në lojë dhe një ‘9’ nuk e ka të lehtë të prekë shpesh topin. Si unë ashtu edhe Vini jemi duke u adaptuar me këtë situatë”.
Rodrygo, i cili duket se nuk e favorizon pozicionin si numri “9”, është përfshirë në këtë rol si rezultat i skemës së re të Carlo Ancelottit.
Ai tregoi performancë të shkëlqyer në fitoren e fundit të Real Madridit ndaj Valencias, duke u kthyer në një pozicion më të njohur për të ku arriti të realizojë dy gola dhe të asistojë në dy të tjerë, ndihmuar skuadrën të sigurojë një fitore prej 5-0. /Telegrafi/