Modelja e njohur shqiptare, Marigona Krasniqi, feston ditën e sotme (e enjte) ditëlindjen.
Ajo ka mbushur plot 28 vite jetë, gjersa me këtë rast ka marrë urime të shumta nga miqtë e ndjekësit.
Një dedikim i veçantë në këtë ditë speciale për të nuk mungoi as nga partneri i saj, boksieri Robin Krasniqi.
Ai ka shpërndarë një imazh përkrah Marigonës në Instagram, në të cilin shfaqen edhe me djalin e tyrë, Meyson.
“Urime ditëlindja dashuria ime. Unë dhe Meyson të urojmë të gjitha të mirat e kësaj bote, ti je njeriu që na përmbush me të gjitha, që lumturinë më të madhe e gjejmë kur ti je afër neve çdo ditë”, ka shkruar ai.
“Je nëna dhe gruaja që na mban të fort e të lumtur gjithë jetën”, vazhdon më tej shkrimi i Krasniqit.
Kujtojmë që Robini dhe Marigona kurorëzuan dashurinë e tyre me martesë në qershor të vitit të kaluar. /Telegrafi/