Julia Roberts do të paraqitet në një serial televiziv për herë të parë në karrierë. Aktorja e famshme do të luajë në adaptimin televiziv të romanit të Maria Semple, “Today Will Be Different”, i cili është publikuar në muajin shtator.
Vet shkrimtarja do ta bëjë skenarin e kësaj mini-serie, derisa produksionin do ta bëjë kompania Red Om Films që është në pronësi të Roberts.
Fituesja e Oscarit në të kaluarën ka qenë mysafire në serialet, si “Friends” dhe “Law & Order”, por kjo është hera e parë që do të luajë rolin kryesor në një serial televiziv.
“Jam e entuziazmuar që Julia Roberts do ta portretizojë Eleanor Flood (protagonisten kryesore në serial). Do të jetë shumë interesante”, ka thënë Semple. /Telegrafi/