Këngëtarja e njohur Nora Istrefi këtë javë ishte e ftuara speciale në emisionin “Dua të të bëj të lumtur”, gjersa u vu përpara disa befasive mjaft të këndshme.
Përveç befasisë nga e ëma e saj, ish-këngëtarja Suzana Tahirsylaj-Istrefi, e cila kapi mikrofonin pas kaq shumë vitesh dhe mahniti publikun me interpretimin e saj, një surprizë Nora pranoi edhe nga ish-bashkëshorti Robert Berisha.
Ai i ka dërguar asaj një video-mesazh duke treguar respektin që ka për të si nëna e vajzës së tij, si dhe kujtimin e momenteve të mira që kanë kaluar së bashku.
“Përshëndetje ty Albana, publikun dhe mysafiren që ke aty Norën. Kjo shkon special për Norën dhe të gjitha ato çifte që nuk janë më bashkë. Me këngën time që kisha në festivalin e RTSH-së “Ajo nuk është më “Ajo nuk është më rruga jem”, Nora dhe Renee ju gjithmonë do të jeni rruga e jetës sime, ju dua fort”, ka thënë ai.
Një reagim nuk mungoi as nga Nora që tregon se me ish-partnerin e saj kanë raporte shumë të mira dhe se kalojnë kohë të madhe për shkak të vajzës së tyre.
“Ne mbajmë një raport shumë të mirë, ndarja nuk ka ndodhur për ndonjë arsye por për shkak të një konsumi 15-vjeçar të një lidhjeje, kështu që për shkak të vajzës të krijojë një fëmijëri të mirë, të ketë kujtime dhe të jetë e lumtur”, ka thënë ajo.
Ndërkohë, Nora dhe Roberti u ndanë vitin e kaluar pas 15 vitesh njohje së bashku. /Telegrafi/