Mel B ka dhënë një deklaratë sensacionale duke pohuar se ajo është pjesëtarja e vetme e “Spice Girls” që nuk ka shkuar në shtrat me Robbie Williams.
Gjatë një interviste në një radiostacion australian, 41-vjeçarja ka thënë se këngëtari i hitit “Feel” ka fjetur me vajzat tjera të grupit të famshëm: Mel C, Victoria Beckham, Emma Bunton dhe Geri Horner.
Në fakt, ajo ka theksuar se Williams i kishte kërkuar falje publike për një deklaratë të mëhershme, pasi ka fjetur me katër të tjerat, por jo edhe me Mel B – njofton Telegrafi.
“Ai më ka kërkuar falje publike për gjithë atë ngatërresë… Unë kam qenë ajo që nuk kam pasur marrëdhënie me të. E kam shok… Ai ka qenë me shoqet e mia”, ka deklaruar këngëtarja.
Ndryshe, 42-vjeçari Robbie kishte deklaruar më herët se ka fjetur me katër nga vajzat e “Spice Girls”, por më vonë ka thënë se ka qenë vetëm një shaka, që në fakt tash po rezulton e vërtetë. /Telegrafi/
