Rritja e dënimeve për dhunën ndaj kafshëve është një trend kudo në botë, përfshirë edhe vendin tonë.
Drafti i Kodit të ri Penal për torturimin e kafshëve parashikon rritje të dënimeve, si dhe zgjerim të nenit me “vrasjen e kafshëve”.
Në Kodin Penal ekzistues, neni 233 i referohet vetëm “torturës së kafshëve”.
Në këtë nen të Kodit Penal në fuqi thuhet se “ai që dhunon rëndë një kafshë ose e ekspozon atë në vuajtje të panevojshme ose i shkakton dhimbje të panevojshme, do të dënohet me gjobë. ose me burgim deri në një vit”, si dhe “ai që duke mos ushqyer, duke mos ngrënë ose në ndonjë mënyrë tjetër e ekspozon kafshën në një situatë të vështirë për një kohë të gjatë, dënohet me gjobë ose me burgim deri në nje vit”.
Me ndryshimet e propozuara në Kodin Penal, ose konkretisht për nenin 314 që thotë “vrasja dhe torturimi i kafshëve”, futet një paragraf i ri sipas të cilit “ai që vret kafshën pa arsye të justifikuar ose e keqtrajton atë duke shkakruar vuajtje të panevojshme ose i shkakton dhimbje të panevojshme, dënohet me gjobë ose me burgim deri në tre vjet”.
Kushdo që e kryen veprën nga paragrafi i këtij neni për egoizëm, do të dënohet me burgim nga një deri në pesë vjet, si dhe do t’i konfiskohen kafshët.
Një pjesë e aktivistëve për mbrojtjen e kafshëve e mirëpresin këtë hap të autoriteteve dhe konsiderojnë se është në drejtim të trendeve botërore dhe Bashkimit Evropian.
Që nga viti i kaluar, një Akt i ri për Mirëqenien e Kafshëve ka hyrë në fuqi, duke rritur dhjetëfish dënimet për mizorinë e kafshëve.
Për rastet më të këqija të mizorisë së kafshëve, dënimet prej vetëm gjashtë muajsh janë rritur në pesë vjet në Angli dhe Uells.
Ka ende dënime të tilla në Skoci dhe Irlandën e Veriut.
Një shembull i mirë i mbrojtjes së kafshëve është ligji grek, sipas të cilit abuzimi i rëndë i kafshëve është një krim që mund të çojë në një dënim maksimal deri në 10 vjet burg.
Sipas dispozitave të reja të ligjit, që ka hyrë në fuqi dy vite më parë, në Greqi personat që keqtrajtojnë kafshët do të duhet të paguajnë një “gjobë nga 5 mijë deri në 15 mijë euro”.
Dënimi minimal do të jetë një vit burg.