Në qytetin e Shkupit një metër kub dru për ngrohje ka arritur në 5.300 denarë, ndërsa më çmim më të lirë nuk mund të sigurosh askund.
Në qytetet tjera çmimet variojnë prej 4.500 deri në 5000 denarë.
Sipas analizave statistikore, çmimi i druve për ngrohje këtë vit ka shënuar rritje për 70 përqind, krahasuar me vitin e kaluar.
Tregtarët ankohen se këtë vit transporti është më i shtrenjtë shkaku i derivateve, ndërsa nuk mund të gjejnë edhe punëtorë për shkurtimin e druve dhe ngarkimin e tyre, për shkak të kërkesës së madhe dhe pagesave dukshëm më të larta.
Nëse një metër dru kushton tek 4.500 denar, më gjithë prerje çmimi tejkalon dhe shifrën 5000 denar.
Sipas hulumtimit të fundit të Entit Shtetëror të Statistikave, gjysma e amvisërive në Maqedoninë e Veriut ngrohen me dru, mbi 30% ngrohen me rrymë, 10% me ngrohje qendrore dhe 8% me briket dhe pelet.