Kryeministri i Kosovës, Ramush Haradinaj edhe një herë ka përsëritur se taksa e vendosur ndaj mallrave serbe, është interes nacional dhe se një vendim i tillë nuk është marrë për inati të askujt.
I pari i ekzekutivit, ka paralajmëruar se të gjitha orët e humbura, si shkak i grevës së mësimdhënësve do të kompensohen.
Këto deklarata kryeministri i bëri gjatë homazheve tek shtatorja dhe kulla e Haxhi Zekës.
Ai ka treguar edhe për investimin 1 miliardë e 300 milionë dollarë që do të bëhet në energji.
“Projektligji për pagat nuk është vetëm për arsimin, është për policët, është për zyrtarët, për zjarrfikësit, për 80 e sa mijë që janë të paguar nga shteti, pra ky ligj do të ndodhë, besojmë me 31 janar. Unë nuk do të insistoj në asnjë veprim tutje, sa i përket atyre është në vetëdijen e tyre. Një gjë ju garantoj të gjithëve, asnjë orë e humbur nuk do të mbet pa u plotësu”, ka thënë ndër tjerash Haradinaj. /Telegrafi/