Ish-mbrojtësi i Manchester United, Rio Ferdinand, ka shprehur shqetësimet e tij për pesë lojtarë që mund të mos përshtaten në planet e Ruben Amorimit në Old Trafford.
Ferdinand ka treguar emrat që rrezikojnë të largohen nga klubi në të ardhmen e afërt, shkaku i mos-përshtatjes me skemat e trajnerit të ri portugez, Amorim.
“Unë shqetësohem nëse lojtarët që ne kemi mund të përshtaten me atë që dëshiron Amorimi”, ka thënë fillimisht Ferdinand.
“Ju shikoni Garnachon dhe shikoni Rashfordin. A mund të futen në një pozicion sulmues të brendshëm dhe a është me të vërtetë ky pozicioni që ata do të shkëlqejnë?”.
“Rasmus Hojlund. A do të jetë ai Gyokeres ynë, a do të jetë ai djali me të cilin mund të luajmë?”.
“Antony nuk e ka treguar ende këtë, Zirkzee gjithashtu”, përfundoi legjenda e Djajve të Kuq.
Ndryshe, Manchester United është momentalisht në pozitën e 13-të në Ligën Premier me 19 pikë nga 14 ndeshje. /Telegrafi/