Disa ditë më parë, Rimac Automobili njoftoi përmes një videoje dhe përshkrimi interesant në rrjetet sociale se makina e tyre elektrike C_Two ka hyrë në një fazë të re, atë të testimit të sigurisë.
Gjithashtu, siç shkruajnë mediat e huaja, përcjell Telegrafi, u njoftua se prototipi i parë tashmë ishte testuar dhe futur në një provë të kontrolluar të përplasjes me qëllim të miratimit të tipit seri.
Testi i përplasjes, veçanërisht për një prodhues të vogël si Rimac, është vetëm një pjesë e provave të gjera, performancës, qëndrueshmërisë dhe besueshmërisë.
Kështu, kompania ka publikuar një video në të cilën, pas simulimeve të shumta kompjuterike, ajo kryente fizikisht një provë përplasjeje të një prej prototipeve, i cili në finale do të çojë në mundësinë e regjistrimit për “zbarkimin” e saj në rrugë, kudo në botë.
Videoja është e mbushur me vështrime mbresëlënëse prapa-skenave të zhvillimit C_Two, i cili rastësisht tani po kalon në fazën e fundit të testimit.
Rimac thotë se vetura kaloi serinë e parë të provave, gjë që shpresojnë se do të thotë të jetë në rrugën e duhur për një nisje prodhimi diku vitin e ardhshëm, me një çmim bazë të vendosur në afërsi të 2.1 milionë dollarëve.
C_Two është i pajisur me katër motorë elektrikë për të gjeneruar një prodhim total prej 1,914 kuaj/fuqi. /Telegrafi/
