Paulo Dybala pritet të jetë së paku në bankën rezervë të ndeshjes ndërmjet Juventusit dhe Romës, por atij mund t’i bashkëngjitet edhe Alvaro Morata, rikuperimi i të cilit po ndodh më shpejt sesa pritej.
Dy sulmuesit e Zonjës së Vjetër kanë pësuar lëndime muskulore gjatë fitores ndaj Sampdorias në muajin e kaluar.
La Joya kishte lëndim më të lehtë në kofshën e majtë dhe pritet të jetë në skuadrën e Bianconerëve që do të ndeshet me Giallorossët.
#Juve, #Morata e #Dybala ancora a parte: novità sul rientro di #Alvaro https://t.co/1iHAwFYhWi pic.twitter.com/KWYR2nkQT9
— ilBiancoNero (@ilbianconerocom) October 13, 2021
Lajmet nga Torino pohojnë se edhe Morata ka qenë në stërvitje edhe është stad të avancuar të rikuperimit.
Me shumë mundësi, ai do të jetë në ekipin e Juves për ndeshjen e Ligës së Kampionëve kundër Zenit St Petersburg, por mund të ketë edhe një vend për takimin ndaj Romës. /Telegrafi/