Llapi ka triumfuar me rikthim ndaj Vllaznisë së Pozhoranit për ta rikthyer edhe pozitën e parë në tabelë.
Bardh e kaltërtit triumfuan lehtësisht me rezultat 4-1 falë një pjese të dytë të jashtëzakonshme.
Skuadra mysafire e befasoi Llapin qysh në minutat e para të ndeshjes duke kaluar në epërsi.
Ishte Festim Alidema që shënoi në minutën e 12-të për 0-1, duke befasuar vendasit.
Me epërsinë minimale të Vllaznisë 0-1 përfunduan 45 minutata e para të kësaj sfide.
Por Llapi nuk u dorëzua dhe bëri një rikthim të madh në pjesën e dytë.
Ishte mesfushori ofensivë, Mentor Zhdrella që barazoi rezultatin në 1-1 pas 72 minutave lojë.
Mentor Zhdrella u tregua deçiziv për vendasit pasi në minutën e 81-të shënoi golin e dytë personal i cili ishte edhe i epërsisë për llapjanët.
Ndërkohë golin e tretë në këtë sfidë e shënoi sulmuesi më i mirë i vendasve, Mirlind Daku tre minuta para fundit të ndeshjes.
Goli i katërt është realizuar krejt në fund të ndeshjes nga mesfushori Edon Zeqiri.
Pas kësaj fitore, skuadra e Tahir Batatinës rikthehet në krye të tabelës me 26 pikë të tubuara, një më shumë se Prishtina në pozitën e dytë.
Në javën e ardhshme, lideri luan në udhëtim te Gjilani, ndërkohë Vllaznia do të jetë nikoqire e Vëllaznimit. /Telegrafi/