Këngëtarja nga Barbados, Rihanna, në mesin e shumë çështjeve, në intervistën e saj për Vogue ka folur edhe për presidentin Donald Trump, duke thënë se ai është “qenia më e sëmurë mendore në Amerikë”.
Të mërkurën, revista e modës publikoi një intervistë me muzikanten dhe mogulen e bukurisë, ku flet për bindjet e saj politike dhe shqetësimin e saj për presidentin.
Rihanna tha se është “shkatërruese” për të jetuar në një vend me të shtëna, duke përmendur të shtënat masive që ndodhën brenda një dite në El Paso, Texas, dhe Dayton, Ohio.
“Njerëzit po vriten nga armët e luftës që i blenë legalisht. Kjo thjesht nuk është normale. Kjo nuk duhet, kurrë të jetë normale. Dhe fakti që është klasifikuar si diçka e ndryshme për shkak të ngjyrës së lëkurës së tyre? Është një shuplakë në fytyrë. Është plotësisht raciste”, ka thënë 31-vjeçarja.
“Merrne një arab me të njëjtën armë dhe dërgoje në të njëjtin Walmart dhe nuk ka mundësi që Trump do të del publikisht me ndonjë mendim që tregon se ai ka probleme shëndetësore mentale. Njeriu që është më i sëmuari në Amerikë për momentin duket se është presidenti”, ka shtuar ajo.
Teksa u pyet për ndjenjat e saj për krizën e imigracionit, ajo shton, “Çfarë thua? Çfarë mund të thuash? Do të bëhet më mirë? Unë pothuajse ndjehem e sëmurë me stomakun tim. As nuk besoj se kjo po ndodh në jetën reale. Para syve të mi. Përpara botës. As nuk fshihet. Kjo është e paqartë”.
Nga ana tjetër, Riri është duke punuar në librin e parë autobiografik, i cili quhet ‘Rihanna’ dhe do jetë me mbi 504 faqe. Ky libër po ashtu përmban më shumë se 1.000 foto që dokumentojnë yllin e muzikës pop dhe jetën e saj. /Telegrafi/