Ndoshta kur Rihanna këndoi për një vend pa shpresë, ajo po i referohej Internetit.
Ylli i Barbadosit, u paraqit me një fustan të mrekullueshëm së fundmi në “Diamond Ball”, event ky të cilin e organizoi vet ajo me shumë të ftuar VIP, shkruan E News!, transmeton Telegrafi.
“Unë jam një grua e zezë. Unë vij në jetë nga një grua e zezë që ka ardhur në jetë nga një grua e zezë që ka ardhur nga një grua e zezë dhe unë do të lind një vajzë të zezë”, tha ajo gjatë një intervistë të realizuar gjatë eventit. “Kjo është ajo që jam. Thjeshtë thelbi i atij që jam në frymë dhe në ADN. Dhe gjithmonë qëndroj në atë që besoj dhe që e dua dhe që e di, të cilin e respektoj”, tha tutje Rihanna.
Dhe kjo, një përmendje e vogël, e re në lidhje me lindjen, e ka vendosur median sociale në një tërbim absolut, me fansat që tani besojnë se 31-vjeçarja vërtetoi në mënyrë delikate se është shtatzënë me fëmijën e saj të parë. Në të vërtetë, spekulimet madje filluan të bëhen trend në Twitter menjëherë pasi videoja e intervistës u publikua në Instagram.
“Kam zbuluar se Rihanna është shtatzënë dhe kam anuluar paraqitjen time në shkollë sot”, shkroi një fans. “Rihanna është shtatzënë. Kjo është ajo me çfarë po merremi tani”, shkroi një tjetër.
Të tjerë kanë bërë shaka tani me faktin se pse nuk e kanë në duart albumin e saj të nëntë që është paralajmëruar tash e a kohë, të cilin fansat e presin që katër vjet për ta dëgjuar.
“Dikush sapo tha që Rihanna është shtatzënë me albumin jo foshnjën”, shkruante një përdorues i rrjeteve sociale që kundërshtonte shtatzëninë e saj.
Në vitin 2017, këngëtarja e hitit “Work” filloi të takohet me biznesmenin Hassan Jameel. Kohët e fundit, gjatë një interviste ajo konfirmoi që është përfundimisht e dashuruar.
Dhe ndërsa ajo tha se “vetëm Zoti e di” nëse martesa është në të ardhmen e saj, ajo me siguri planifikon të ketë një familje, duke pranuar se dëshiron të jetë nënë “më shumë se gjithçka në jetën e saj”. /Telegrafi/
