Rihanna dhe ASAP Rocky tani janë prindër të dy fëmijëve.
Këngëtarja e “Diamonds” dhe partneri i saj mirëpritën djalin e tyre të dytë në fillim të këtij muaji, raporton TMZ.
Rihanna thuhet se lindi në Los Angeles më 3 gusht, gjersa emri i foshnjës nuk është zbuluar akoma.
Yjet tashmë janë prindër të djalit RZA, i cili lindi në maj të vitit 2022.
Artistja e famshme dhe reperi ishin miq prej vitesh përpara se të zyrtarizonin lidhjen e tyre në vitin 2020.
Rihanna foli për shpresat dhe pritshmëritë e saj për mëmësinë në një sërë intervistash gjatë shtatzënisë së parë.
Dhe në “Met Gala” të këtij viti, në maj, ajo foli për Entertainment Tonight në një intervistë në tapetin e kuq se si shtatzënia e saj e dytë ndihej “aq ndryshe” nga e para.
“Është shumë ndryshe nga e para”, tha ajo. “Gjithçka është ndryshe, por unë po e shijoj atë”.
Ylli nga Barbados zbuloi se është shtatzënë me fëmijën e dytë gjatë performancës në “Super Bowl 2023”. /Telegrafi/