Telegrafi

RFEF do të hapë hetime pas rrjedhjes së bisedës mes gjyqtarit dhe VAR-it në rastin e papërfillur të goditjes me byrryl të Vinicius Jr

Shkumbin Pireva

Federata Spanjolle e Futbollit (RFEF) do të nisë një hetim për të zbuluar se si audio nga një vendimi i VAR-it që nuk u publikua, doli më vonë në publik.

Vendimi për të mos sanksionuar Vinicius Junior për goditjen në fytyrë të Alejandro Pozo ka ngatërruar shumë gjërat, pasi fakti që u bë publik është një problem i madh për RFEF.

Audioja në fjalë tregon se gjyqtari i VAR-it, Alejandro Hernandez Hernandez vërtet e ka parë Vinicius Juniorin duke ‘e godityr në fytyrë’ siç thotë ai, por neglizhon të informojë arbitrin në fushë.

Por, sipas RFER, kjo kërcënon të cenojë integritetin e garës, kur ky lloj presioni po ushtrohet ndaj gjyqtarëve.

Audioja është bërë publike nga gazetari spanjoll, Gerard Romero, por si e ‘kapi’ atë është pyetja e madhe që bëhet në Federatën Spanjolle të Futbollit.

Sipas mediumit Cadena Cope, klubet nuk janë nën dyshime, pasi nuk kanë qasje në audio dhe as furnizuesi mediatik Mediapro, pasi ato ofrojnë teknologjinë, por jo shërbimin.

E njëjta gjë vlen edhe për operatorët e videove, operatorët Haëkeye (përgjegjës për VAR) dhe anëtarët e Komitetit të Gjyqtarëve, të cilët janë të gjithë gjithashtu disi poshtë linjës së të dyshuarve.

Në fakt, RFEF mendon aktualisht se shpjegimi më i mirë mund të jetë se një ish-punonjës që kishte qasje në platformën ku ruhen audiot, mund ta ketë ‘zbuluar’ gabimin. /Telegrafi/