Po sot, Banka Qendrore Evropiane lëshoi 70 miliarda euro në tregjet financiare, në operacionin e dytë të këtij lloji brenda dy ditësh pas kollapsit të bankës amerikane Lehman Brothers.
Dje Banka Qendrore Evropiane injektoi 30 miliardë euro në tregjet e parave, ndërsa veprime të ngjashme ndërmorën edhe bankat tjera në botë, ndërkohë që vlera e aksioneve në bursat vazhdoi të bjerë.
Sot tregu kryesor i bursave në Rusi ra mbi 10 %. Sektori më i goditur ishte nafta dhe gazi, ndërsa rënie më të madhe pësuan firmat shtetërore Gazprom dhe Rozneft.