Kryetari i Bashkësisë Fetare Islame në Maqedoni, Reis Sulejman efendi Rexhepi ka qenë i ftuar në edicionin e dytë të emisionit “Fol Tash” në Tv Koha ku ka folur për çështje aktuale që lidhen me BFI-në dhe për bashkëjetesën e komuniteteve fetare në Maqedoni.
Rexhepi ka folur për herë të parë për sulmin në shtëpinë e tij duke treguar se sulmuesi ka pasur dosje për tregti me drogë dhe ka qenë i përdorur si instrument nga sigurimi shtetëror për nxitje të konflikteve.
“Ata persona janë nën hipotekë të organeve të sigurimit, për arsye se nuk është kapur një herë më drogë. Ai shumë herë është kapur me drogë dhe e përdorin për të kriju incidente. Jemi shqetësu se pse organet nuk u paraqitën. Nuk kemi ndërmarrë ne atë që kemi mund të ndërmarrim, se para së gjithash unë kam dy persona të caktuar nga pushteti për të më mbrojtur. Jemi përmbajt, se kemi mund të bëjmë gjithçka. Ma ka marr mendja se këtu është në pyetje ndonjë provokim i rëndë që duhet të tërheq vëmendjen e opinionit. Praktikisht, bindjet tona janë se ato dy persona i kanë çu aty që të vriten e jo të vrasin dikënd, sepse pas kontrollimit, nuk kanë posedu armatim. Duke e ditur se unë mund të përdori atë, për vetëmbrojtje”, tha për këtë incident, kryetari i BFI-së, Sulejman efendi Rexhepi në emisionin ‘Fol Tash’ në TV Koha.
Rexhepi tregoi edhe për padrejtësitë që pushteti i bën BFI-së. Ka folur për kazinot dhe për alkoolin.
Zyrtarisht, në BFI nuk e kanë sakt numrin e muslimanëve në Maqedoni.
Përndryshe, emisioni ”Fol Tash” do të transmetohet çdo të hënë nga ora 21:40./Telegrafi/
