Një banor i lagjes Dardania në Tetovë, ka bllokuar sot hyrjen në deponinë e Tetovës për kamionët me mbeturina. Ai dhe shumë banorë tjerë të kësaj lagje janë të revoltuar nga neglizhenca e autoriteteve komunale që nuk pastrojnë mbeturinat nga lagja e tyre, përcjell Telegrafi Maqedoni.
Revoltën e tij ky banorë i hidhëruar me autoritetet e ka nxjerr edhe ndaj ekipit të TV Alsat-M, duke i kërcënuar se do t’a thyejë kamerën.
Përgjegjësi për pastrim në Ndërmarrjen publike Komunale, Nazif Jashara, sërish ka premtuar se deri në fund të viti deponia do të pastrohet.
Punëtorët e ndërmarrjes publike komunale “Tetova” gjatë ditës kanë arritur të largojnë pengesën e vendosur nga banori i revoltuar dhe kanë vazhdur me hedhjen e mbeturinave në këtë deponi në hyrje të Tetovës./Telegafi/
