Agjencia e lajmeve, Reuters ka shkruar një artikull për lojën në borë të luanit dhe arinjve në Kosovë.
Stafi i përkushtuar në Strehën e Arinjve në Prishtinë i i japin kujdes të veçantë një luani entuziast për lojërat në borë, si dhe një grupi arinjsh që po përshtaten me jetën pas shpëtimit nga kushte jo-ideale që kur ishin këlyqshë.
Me mbulimin e vendit nga bora e parë e këtij sezoni, vizitorët shikonin me befasi luanin e quajtur Gjon, i cili luante me borë përpara se ta strehoheshin shpejt në ambiente të mbyllura ku ishte instaluar një ngrohës për të shmangur temperaturat që bien nën zero.
“Pavarësisht se këto kushte nuk janë ideale për macet e mëdha si luanët të mbijetojnë, ne kemi vendosur një sistem ngrohëse që ndihmon trupat e tyre të rritur që preferojnë nxehtësinë,” shpjegon ër Reuters, Albana Hoti, menaxhere e strehës.
Luanin në fjalë, Gjonin, e kishte shpëtuar strehëmoria nga një restorant lokal ku ishte mbajtur si atraksion për klientët, me planet që të zhvendoset në Afrikën e Jugut kur të rregullohen të gjitha çështjet ligjore.
Po ashtu, aktualisht, mbi 20 arinj ngjyrë kafe, të cilët më parë mbaheshin si të ashtuquajtur arinj restoranti në Kosovë dhe Shqipëri, tani bëjnë një jetë të përshtatshme për speciet në mbyllje të mëdha natyrore me këlyshit e tyre.
Disa nga arinjtë nuk kanë përjetuar gjumë dimëror, pasi nuk kanë njohur jetën e egër.
“Katër ose pesë nga arinjtë tanë nuk shkojnë në gjumë të plotë sepse ata kurrë nuk e kanë përjetuar jetën e tyre të egër dhe kjo është gjithçka që ata mund të bëjnë, bien në gjumë dimëror dhe pastaj përsëri dalin jashtë”, shprehet Hoti.
Pylli i Arinjve të Prishtinës është i hapur për vizitorët nga Shkurti deri në Dhjetor.
Vizitorët mund të bëjnë një shëtitje nëpër pyllin e ariut, të shohin arinj në mjedisin e tyre natyror.
Rezervati i ariut është rreth gjysmë ore me makinë nga qendra e qytetit të Prishtinës dhe është një park kombëtar 16 hektarësh pranë kryeqytetit të Prishtinës./Telegrafi/
