Ndeshja e parë çerekfinale e ditës së sotme do të zhvillohet mes Republikës Çeke dhe Danimarkës.
Dy Kombëtaret kanë arritur deri në çerekfinale pas disa ndeshjeve shumë të mira.
Në 1/8 e finales, çekët kanë befasuar Holandën duke e mposhtur me rezultat të pastër 2-0, derisa danezët demoluan Uellsin 4-0.
Do të jetë një sfidë shumë interesante me dy ekipet përfaqësuese që duan ta vazhdojnë rrugëtimin në këtë Euro 2020.
Takimi mes Republikës Çeke dhe Danimarkës zhvillohet me fillim nga ora 18:00 në stadiumin Olimpik në Baku të Azerbajxhanit.
Çekët nuk kanë asnjë mungesë për këtë takim, derisa te danezët mungojnë Christian Eriksen, Youssuf Poulsen dhe Daniel Wass.
Formacionet e mundshme:
Republika Çeke: Vaclik; Coufal, Celustka, Kalas, Kaderabek; Holes, Soucek; Masopust, Barak, Sevcik; Schick
Danimarka: Schmeichel; Christensen, Kjaer, Vestergaard; Wass, Hojbjerg, Delaney, Maehle; Braithwaite, Dolberg, Damsgaard. /Telegrafi/