Offset ka dhënë mendimin e tij në lidhje me vaksinën e coronavirusit dhe deklaron se nuk do e marrë për shkak se nuk i beson qeverisë.
Reperi i “Migos”, i cili është i martuar me reperen Cardi B, është pyetur për vaksinën e Pfizer, e cila filloi të përdorej këtë muaj në Mbretërinë e Bashkuar e që së shpejti pritet të nisë edhe në Shtetet e Bashkuara të Amerikës.
Duke folur për TMZ, Offset thotë se nuk do e marrë vaksinën për COVID-19 duke shtuar, “A nuk e shihni që fytyra e njerëzve u ndryshua? Thjesht nuk dua të bëj provën”.
Tabloidet e huaja kanë zbuluar se një pjesë e madhe e komunitetit afrikano-amerikan nuk i besojnë vaksinës së coronavirusit.
Kur u pyetën se çfarë mund të bëjë qeveria amerikane për ta përmirësuar këtë, Offset u përgjigj: “Bëni diçka për të ndihmuar komunitetin me ngjyrë në jetën reale. Vendosni disa politika që do të na ndihmojnë”.
Offset, 29 vjeçar, vazhdoi të shpjegojë se ai është kundër përdorimit të privilegjit të tij të famshëm për të marrë më shpejt vaksinën.
“Nëse unë shkoj në spital ata do të më pranojnë më shpejt se një person normal për shkak të famës”.
Ai vazhdoi: “Nëse unë shkoj në spital këtu, ata do të më pranojnë më shpejt se personi normal që nuk është vërtet i drejtë. Nuk do të doja ta bëja këtë”, shtoi ai.
Offset nuk është i vetmi njeri i famshëm që vë në dyshim vaksinën pasi aktorja e “Black Panther”, Letitia Wright mori kritika për ndarjen e një video duke hedhur dyshime mbi sigurinë e trajtimit. /Telegrafi/
