Dihet tashmë që vera është sezoni më i ngarkuar i këngëtarëve tanë. Gjatë muajve të nxehtë, ata janë aq të angazhuar me koncerte, saqë rrallëherë gjejnë kohë edhe për pushime.
Por, një nga reperët tanë, në të shumtën e rasteve, gjatë koncerteve të tij në bregdet ka shfrytëzuar ditën edhe për të bërë plazh.
Është ky Ledri Vula, i cili vazhdimisht poston fotografi në rrjetin social në Snap Chat, ku shihet bashkë me ekipin e tij në vende të ndryshme.
Ai së fundmi ka postuar një imazh mjaft interesant me mbishkrimin “Kamping”, duke bërë të ditur kështu se është nisur për kamping, ndërsa i ka publikuar edhe disa fotografi të tij. /Telegrafi/
