Reperi Kreshnique ka qenë pjesë e projektit të grupit “PINT” në këngën “Beirut”, por ai së fundmi ka publikuar edhe këngën e tij si solo artist “100”.
Reperi në “Reload” në RTV Dukagjini ka thënë se iu bashkua grupit pasi që sipas tij në “PINT” nuk ka “me të njohshëm, ec para vetëm nëse ke talent”.
Ai thotë se me Semin dhe Enesin janë njohur shumë kohë më parë ndërsa me Kreshën kanë qëndruar edhe kur nuk kanë qenë pjesë e grupit.
Duke folur për videoklipin e këngës “100”, Kreshnique thotë se në projekt janë përfshirë shumë anëtarë të “PINT” por thotë se idetë për realizimin e videoklipit kanë qenë të tij ndërsa janë realizuar nga Andi.
Reperi thotë se me këtë këngë synon audiencat e të gjitha rrymave muzikore me përjashtim të atyre të tallavasë.
Anëtari i “PINT” thotë se labeli është në punë të vazhdueshme dhe se sipas tij pritet që çdo javë të sjellin projekte të reja./Telegrafi/
