Nata e madhe finale e “Eurovision 2019” mbahet sonte (e shtunë), në Tel Aviv të Izraelit.
Ngjarja transmetohet nga të gjitha kanalet shtetërore të Evropës, në atë që njihet si një prej mbrëmjeve më të rëndësishme evropiane të vitit.
Plot 26 është numri i shteteve që garojnë sonte në natën finale për çmimin e parë, 20 prej të cilave u kualifikuan nga dy gjysmë-finalet që u zhvilluan në dy netët e para të festivalit, përkatësisht të martën dhe të enjten.
Artistja shqiptare Jonida Maliqi ia doli me sukses që ta kualifikojë Shqipërinë për në natën finale, pas interpretimit të shkëlqyeshëm me këngën e saj “Ktheju Tokës.
Ajo do të këndojë sonte e dyta me radhë, dhe si rrjedhojë mban kodin “02”, nga ku shqiptarët anë e mbanë diasporës mund të votojnë deri 20 herë, duke mbështetur artisten drejt një kualifikimi sa më të lartë.
Ndërkohë kjo është renditja e plotë e shteteve që do të këndojnë sipas radhës sonte (e shtunë), në natën finale të “Eurovision 2019”:
1. Malta
2. Shqipëria
3. Republika Çeke
4. Gjermania
5. Rusia
6. Danimarka
7. San Marino
8. Maqedonia e Veriut
9. Suedia
10. Sllovenia
11. Qipro
12. Holanda
13. Greqia
14. Izraeli
15. Norvegjia
16. Mbretëria e Bashkuar
17. Islanda
18. Estonia
19. Bjellorusia
20. Azerbajxhani
21. Franca
22. Italia
23. Serbia
24. Zvicra
25. Australia
26. Spanja. /Telegrafi/
