Renditja e boksierëve më të mirë për vitin 2019 duke mos e llogaritur kategorinë në të cilën garojnë

Driton Gajraku

5 years ago

Viti që e lamë pas ka sjell shumë befasi në boks, por që më të mirët janë shpërblyer.

Në fillim të vitit 2019, Deontay Wilder dhe Tyson Fury e zhvilluan përballjen që zgjati 12 raunde, por që nuk kishim fitues.

Të dy boksierët u pajtuan më vonë që të kenë një rimeç e që është vendosur të zhvillohet më 22 shkurt të vitit 2020.

**Tyson Fury dhe Deontay Wilder** (Foto: Harry How/Getty Images/Guliver)

Të dy boksierët nga ajo kohë nuk kanë pësuar humbje dhe po kërkojnë që të jenë më në formë për rimeçin që do ta zhvillojnë në këtë vit.

Nga ana tjetër, më 1 qershor të vitit që lamë pas, Anthony Joshua humbi titujt WBA, WBO, IBF dhe IBO nga Andy Ruiz që shihej se nuk kishte asnjë shans ndaj britanikut.

**Momenti i rrëzimit të parë të Joshuas nga Ruiz Jr** (Foto: Al Bello/Getty Images/Guliver)

Meksikano-amerikani e rrëzoi fillimisht AJ në raundin e tretë, për të pësuar më pas nga një rrëzim i tillë që ia shkaktoi britaniku.

Por, e gjitha përfundoi në raundin e shtatë, atëherë edhe kur Ruiz e nokautoi Joshuan për t’i marrë titujt e kampionit të botës.

Mirëpo, dyshja më pas u pajtuan që ta zhvillojnë një rimeç më 7 dhjetor të vitit që lamë pas, derisa britaniku i riktheu të gjithë titujt në brezin e tij, falë fitores me pikë ndaj meksikanit.