Për më shumë se një javë në vend kanë filluar masat e reja antiCOVID të vëna nga Qeveria e Republikës së Kosovës.
Pavarësisht izolimit dhe ndalimit të disa aktiviteteve, qytetarët kanë vazhduar grumbullimin nëpër vende të ndryshme.
Një gjë e tillë së fundmi ka ndodhur edhe në qytetin e Prizrenit, teksa janë parë grumbullime masive të qytetarëve pa maska e po ashtu edhe pa distancë.
Një reagim lidhur me këtë e ka bërë edhe këngëtarja e njohur shqiptare, Remzie Osmani.
Kjo e fundit ka ndarë një fotografi në InstaStory, në të cilën paraqet një pamje nga një pjesë e Prizrenit ku shfaqen të grumbulluar dhe shumë pranë njëri-tjetrit.
“Turpi i masave”, ka shkruar ajo.
Sido që të jetë, masat e reja të Qeverisë do të zbatohen deri më 18 prill (e diel). /Telegrafi/