Sensacioni botëror, Era Istrefi, ka bashkuar forcat me këngëtarin e njohur amerikan, Richard Post, të njohur si Post Malone, në remiksin e këngës së saj hit “Bonbon”.
Siç shkruan mediumi amerikan dedikuar kulturës së hip-hopit, The Source, këngëtarja shqiptare ka një zë të ëmbël dhe seksi dhe e ka kombinuar atë me një ritëm që të detyron të vallëzosh. “Zëri i saj është i lidhur me Rihannan dhe Sian”, shkruan ky medium, transmeton koha.net.
GJITHASHTU LEXONI: “Bonbon” edhe remiks (Audio)
The Source ka shkruar edhe për këngët e para të Erës, si dhe për arritjen e saj me “Bonbon” duke kapur shifrën e 100 milionë klikimeve në YouTube.
“Remiksi i Bonbon” u dha premierë të mërkurën në një emision të “Beats 1”, radios ndërkombëtare të Apple.