Rektori i UBT-së, Edmond Hajrizi ka realizuar një varg vizitash në Evropë, konkretisht në Gjermani, Austri, Francë dhe Britani të Madhe, të cilat kanë dhënë rezultate të frytshme në sferën e zgjerimit dhe shtimit të bashkëpunimit mes UBT-së dhe institucioneve shtetërore të këtyre vendeve.
Kështu thuhet në komunikatën e dërguar për media të UBT-së.
Më tutje në këtë komunikatë thuhet se këto takime përfaqësuesit institucionalë të këtyre shteteve, ka rezultuar me pajtim të palëve për nisjen e projekteve të përbashkëta për zhvillimin e ndërkombëtarizimit të arsimit të lartë në Kosovë, realizimin e studimeve të përbashkëta me universitete prestigjioze, punësim, rezilenca, zhvillimi të qëndrueshëm dhe inovacion.
“Gjatë vizitës në Britani të Madhe, rektori Hajrizi është takuar edhe me ambasadorin e Kosovës atje, Lirim Graiçevci, me të cilin kanë bashkëbiseduar për mundësinë e ndërkombëtarizimit të sektorit të arsimit në Kosovë. Përmes realizimit të vizitave e bashkëpunimeve të tilla, UBT po shënon arritje ndërkombëtare, duke kontribuar në projekte inovative në botë, që kanë të bëjnë me edukimin, zhvillimin e qëndrueshëm dhe inovacionin në shumë fusha të jetës”, përfundon kjo komunikatë. /Telegrafi/
