Qendra gjigante e New Orleans Hornets, Anthony Davis është shpallur MVP në ndeshjen All Star.
Davis zhvilloi një ndeshje fantastike mbrëmë duke shënuar 52 pikë dhe duke bërë 10 kërcime, katër në ofensivë dhe gjashtë në defensivë.
Davis theu rekordin e pikëve të shënuar nga Wilt Chamberlain që shënoi 42 pikë në vitin e largët 1962.
23-vjeçari mori për herë të parë në karrierë këtë çmim dhe është shprehur shumë i lumtur.
“Ishte një lojë shumë e bukur. U kënaqëm të gjithë të pranishmit”, deklaroi Davis.
Ai falënderoi edhe bashkëlojtarët për asistimet që i dhanë për të thyer rekordin.
“Shokët e skuadrës bënë një punë të madhe. Ata çdo herë më pasonin topin për të arritur numrin 50 të pikëve”.
“Kawhi dhe Harden më dhuruan shumë asiste dhe më thonin se duhet të shënoja mbi 50 pikë”, përfundoi Davis.
Kujtojmë që Davis luajti në vendlindjen e tij këtë takim, pasi ai aktivizohet edhe tek skuadra New Orleans Hornets. /Telegrafi/
