Nënkryetari i Prishtinës, Alban Zogaj, ka thënë se për dy muaj ka përfunduar procesi për regjistrimin e pasurisë së Komunës së Prishtinës gjatë këtyre dy muajve të fundit.
Zogaj thotë se janë regjistruar mbi 120,000 artikuj të ndryshëm.
“Një falënderim i veçantë për ekipin e jashtëzakonshëm që ka punuar pa u lodhur për regjistrimin e pasurisë së Komunës së Prishtinës gjatë këtyre dy muajve të fundit. Me përkushtim dhe profesionalizëm, kanë arritur të regjistrojnë mbi 120,000 artikuj të ndryshëm, duke i dhënë transparencës dhe menaxhimit të mirë një standard të ri në qytetin tonë”, ka pohuar ai.
Tutje, ai thekson se “ky është një hap i rëndësishëm për forcimin e llogaridhënies dhe përmbushjen e obligimeve tona ndaj qytetarëve të Prishtinës”.
“Respekt dhe mirënjohje për punën tuaj të shkëlqyeshme”./Telegrafi/
