Regjisori i njohur Selami Taraku ka festuar sot (e premte) ditëlindjen e tij të 66-të.
Me këtë rast ai ka marrë shumë urime të veçanta nga miqtë, kolegët dhe familjarët e tij.
Vajza e tij, këngëtarja dhe modelja e njohur Morena Taraku, e lidhur shumë me të atin, ka menduar që t’i bëjë një befasi shumë të veçantë më të shtrenjtit të saj.
Ata kanë udhëtuar sot së bashku drejt Tiranës për të festuar një ditëlindje të zakonshme, por në fakt ishte Morena ajo e cila kishte “kurdisur” një festë shumë të këndshme surprizë në hotel “Plaza”.
Këtë festë ajo dhe dy vëllezërit e saj ia bënë befasi babait të tyre, ndërsa ai i emocionuar me zor nxirrte fjalët, kështu të paktën tregojnë imazhet e publikuara nga Morena në rrjetet sociale.
Bukuroshja Taraku ka ndarë me ndjekësit e saj në Instagram Story çdo detaj nga festa. Një ditëlindje ku torta me qirinj, tullumbacet, dhe trëndafilat e kuq për elegancë nuk munguan, ishte festa perfekte e përgatitur për regjisorin e njohur. /Telegrafi/
