Derisa uragani Irma është duke iu afruar me shpejtësi të madhe Floridës, në ishujt e Karaibeve dhe në Antilet e vogla kanë filluar të fryjnë erëra të forta.
Amerikani Bretr Fetterolf, i cili aktualisht jeton në ishullin më verior të Antileve të vogla, Angvilli, është duke transmetuar drejtpërdrejtë në Facebook se si duket uragani që i ka detyruar banorët e asaj zone të strehohen në vende tjera, transmeton Telegrafi.
Fetterolf është duke i informuar miqtë dhe ndjekësit e tij, çdo minutë rreth situatës aktuale që është duke mbizotëruar në atë zonë.
Katër orë më parë kur filluan të fryjnë erërat e forta, ai ka shkruar se është ndërprerë energjia elektrike dhe se erërat e forta janë duke i goditur shtëpitë duke i shkundur.
Në videot e publikuara në profilin e tij në Facebook, mund të shihet se sa i fortë është uragani.
Fetterolf kishte shkuar në Angvil nga Baltimore me vetëm 20 dollarë në xhep, dhe me investimin dhe mundin e tij arriti të bëhet pronar i një kafiterie të njohur me emrin “Elvis’ Beach Bar”, në njërën nga plazhet më të bukura. /Telegrafi/
