Një këngëtare shtatzënë është qëlluar për vdekje gjatë një ceremonie festive në Pakistan, dhe e gjithë kjo ka ndodhur vetëm pse ka refuzuar të vallëzojë gjatë performancës së saj.
Në pamjet amatore të publikuara në internet, shihen dy burra që hedhin para në drejtim të këngëtares së njohur Samina Samoon që gjithashtu njihet si Samina Sindhu, transmeton Telegrafi.
Por, edhe pse 24-vjeçarja u ngRefuzrit në këmbë ajo u qëllua nga Tarique Ahmed Jatoi, i cili sipas mediave lokale ishte i dehur në ato momente.
Në video këngëtarja shihet duke kënduar në skenë gjatë një ceremonie, por më pas shfaqet e shtrirë në tokë pa shenje jete.
Ngjarja e tmerrshme ka ndodhur në një fshat të quajtur Kanga, afër Larkanas në provincën Sindh. Samina ishte dërguar me urgjencë në spitalin e qytetin Chandka, por aty është konfirmuar vdekja e saj.
“Samina kishte refuzuar të vallëzojë pasi që ishte shtatzënë, por refuzimi i saj kishte nervozuar tej mase tashmë të akuzuarin për vrasje”, ka deklaruar bashkëshorti i këngëtares së ndjerë Ashiq Ali. /Telegrafi/
