Anëtarët e OBRM-PDUKM-së, të cilët kërkojnë reforma brenda partiake në konferencë për shtyp kërkuan dorëheqje të menjëhershme të liderit të partisë Nikolla Gruevski dhe mendojnë se nuk nevojiten shpallje të zgjedhjeve të parakohshme parlamentare, pasi sipas tyre, OBRM-PDUKM edhe më shumë do ta humbiste forcën dhe do të defaktorizohej.
“Çfarë do të bënin ne në zgjedhje të reja parlamentare, pse do të duhej të bënim zgjedhje në të cilat OBRM-PPDUKM do të humbiste një numër të madh të deputetëve. Këtë pyetje duhet t’ia parashtroni Gruevskit, sepse ai dëshiron zgjedhje, në të cilat OBRM-PDUKM tërësisht do të defaktorizohej edhe në Parlament”, tha Petar Bogoevski njëri nga reformatorët, përcjell Telegrafi Maqedoni.
Lidhur me rezultatet zgjedhore tha se partia duhet me dinjitet të ballafaqohet me realitetin dhe vullnetin e qytetarëve.
Ai ju bëri thirrje anëtarëve dhe simpatizantëve të zgjedhin midis rrugës së ardhmërisë evropiane dhe bashkimit, që e sjellin reformat në parti apo rrugën e të kaluarës dhe shkatërrimit, nëpër të cilën po shkohet për momentin nën udhëheqjen e Gruevskit.
Bogoevski dërgoi apel për ndërprerje urgjente të kërcënimeve për përjashtim nga partia të gjithë atyre të cilët nuk mendojnë si Gruevski./Telegrafi/