Zëvendësministri i Ekonomisë dhe Financave, Bedri Hamza, tha se i kanë marrë të gjitha masat e nevojshme për t’u mbrojtur nga ndikimet e krizës greke, e cila mund të reflektohen në vend.
“Ne kemi ndërmarrë masa, me qëllim që Kosova të ketë rritje ekonomike dhe që të ruhet siguria e sistemit bankar”, tha Hamza.
Në anën tjetër, ekspertë të ekonomisë thonë se edhe Kosova si vendet e rajonit do të goditet nga kriza greke. Sipas, tyre efektet e para të këtij destabiliteti financiar, do të vërehen në bilancin tregtar dhe në tërheqjen e investimeve të jashtme.
Ndryshe, borxhi publik i Greqisë e kalon shifrën e 300 miliardë eurove./lajm/telegrafi/