Reçica takoi udhëheqësit e Odë së Afarizmit të Kosovës, flasin për menaxhimin e pandemisë COVID-19

Mirjeta Hajzeraj

4 years ago

Ministri i Punës dhe Mirëqenies Sociale, Skender Reçica, ka pritur sot në takim kryetarin e Odës së Afarizmit të Kosovës, Skender Krasniqi me bashkëpunëtorë.

Ministri Reçica dhe Krasniqi diskutuan rreth veprimeve të përbashkëta që mund të ndërmerren në këto ditë jo të lehta nëpër të cilat po kalon vendi, si pasojë e pandemisë.

“Në këtë takim, ata po ashtu bashkëbiseduan edhe për vazhdimin e bashkëpunimit mes MPMS-së dhe OAK, veçmas në fushën e sektorit privat, i cili është dëmtuar shumë si pasojë e pandemisë”, thuhet në njoftimin e bërë për media nga Ministria e Punës dhe Mirëqenies Sociale.

Ministri Reçica, theksoi, se eksperienca profesionale e OAK-ut është e mirëpritur edhe në funksion të jetësimit të planit legjislativ të MPMS-së, konkretisht lidhur me Reformën e Skemave Sociale dhe aktet tjera ligjore me prioritet të përbashkët./Telegrafi/