Rebelët sirianë kanë njoftuar se kanë marrë kontrollin mbi qytetin Daraa, i cili ndodhet në jug të Sirisë dhe që në vitin 2011 ishte epiqendra e revolucionit dhe kryengritjes kundër regjimit të Bashar al-Assadit.
Sipas raportimeve nga reuters, rebelët kanë marrë kontrollin e qytetit pas një marrëveshjeje me ushtrinë siriane, e cila përfshinte tërheqjen paqësore të forcave qeveritare nga qyteti.
Në raport thuhet se ushtria besnike ndaj Assadit ka siguruar një kalim të sigurt drejt Damaskut në bazë të kësaj marrëveshjeje.
“Fraksionet lokale kanë marrë kontrollin mbi disa zona në provincën Daraa, duke përfshirë edhe qytetin. Ata tani kontrollojnë më shumë se 90 për qind të provincës”, thuhet në raport.
عاجل : بيان رقم 1 من غرفة عمليات الجنوب
وجهتنا #دمشق #غرفة_عمليات_الجنوب #درعا pic.twitter.com/ktzZumQD0q— Omar Alhariri (@omar_alharir) December 6, 2024
Anëtarët e Ushtrisë Kombëtare Siriane (SNA), një nga fraksionet kryengritëse, kanë deklaruar pas marrjes së kontrollit mbi qytetin se ky akt ishte i domosdoshëm.
“Është koha që qyteti Daraa të jetë krenar për bijtë dhe për revolucionarët e tij, pasi ata kanë shkruar një epikë për lirinë brenda unitetit dhe koalicionit. Revolucioni ka rifituar shkëlqimin dhe vrullin. Ne e udhëheqim betejën tonë, të bindur se pas kësaj beteje do të vijë një tjetër, në dyert e Damaskut, me hordhitë çlirimtare të të gjithë bijve të Sirisë. Jemi të sigurt se qeshja e kriminelëve do të pasojë me festimin e fitores, me gëzimin e tokës që pret kthimin e bijve të saj që kanë dhënë jetën për lirinë dhe dinjitetin e Sirisë”, deklaruan ata.
Gjithashtu, rebelët kanë theksuar se lufta e tyre vazhdon pa ndarje dhe sektarizëm.
“Beteja për revolucionarët nuk ka përfunduar ende, sepse përparimi drejt Damaskut është një detyrë deri në rrëzimin e regjimit”, përfunduan ata.
Ndryshe, Rusia dhe Irani deri më tani nuk i kanë ofruar ndihmë diktatorit sirian, al-Assadit. /Telegrafi/
Syrian rebels are consolidating their gains in the South. They are taking the towns in Daraa without a fight and in the process capture armored vehicles fully intact. This is in Saida. pic.twitter.com/uJI6ftrI4J
— (((Tendar))) (@Tendar) December 6, 2024
Basser Al Harir, Daraa fell Confirmed geolocation …
Asad Soldiers left the city and the rebels took over the Tanks
📍32°50’08.7″N 36°19’59.8″E pic.twitter.com/ePgBfMhFUs— 𝓂𝒶𝓇𝒾𝑜🇱🇧🇬🇧🇦🇪 (@MarioLeb79) December 6, 2024
🇸🇾El ejército sirio ha perdido en un sólo día toda la provincia de Daraa, en el sur del país. Se han visto vídeos de militares huyendo a pié de Daraa, que está a poco más de 100 kilómetros de Damasco. pic.twitter.com/ehdHyzJBue
— Niporwifi © (@niporwifi) December 6, 2024