Rebelët Houthi të Jememit pretendojnë se sot kanë rrëzuar një fluturake tjetër pa pilot MQ-9 të ushtrisë amerikane derisa po fluturonte mbi këtë vend, duke u bërë kështu fluturakja e fundit multimilion dollarëshe që rrëzohet.
E ushtria amerikane është kundërpërgjigjur me sulme ajrore mbi territoret që kontrollohen nga Houthi, kështu të paktën pretendojnë nga ky grup rebel, transmeton Telegrafi.
Ushtria amerikane i tha Associated Press se janë të vetëdijshëm për pretendimet, por se nuk kanë ndonjë informacion për rrëzimin e ndonjë droni të ushtrisë amerikane që fluturonte mbi Jemen.
Rebelët nuk kanë ofruar as fotografi e video për të mbështetur pretendimet e tyre siç bënin në të kaluarën.
Megjithatë, Houthi kanë rrëzuar më herët dron MQ-9 Reaper, në veçanti gjatë vitit 2012 kur morën kontrollin e kryeqytetit të Jemenit – Sanaa.
Sulme të tilla janë shpeshtuar që nga fillimi i luftës Izrael-Hamas, ku Houthi kanë lansuar raketa mbi anijet komerciale në Detin e Kuq. /Telegrafi/