Rebel Wilson pretendon se ajo ndihej sikur Sacha Baron Cohen e “ngacmonte seksualisht” atë në xhirimet e filmit “Grimsby” dhe beson se ai “i bën njerëzit të ndihen jo rehat”.
Aktorja australiane i bëri akuzat për yllin e komedisë britanike në librin e saj, “Rebel Rising”, i cili u publikua dje në ShBA.
Një përfaqësues i Baron Cohen i përshkruan pretendimet e saj si “të rreme”, në një deklaratë dhënë agjencisë së lajmeve PA.
Wilson, 44 vjeçe, luajti së bashku me Baron Cohen, 52 vjeç, në komedinë “Grimsby” të vitit 2016, i njohur si “The Brothers Grimsby” në ShBA.
E njohur më së shumti për filmat duke përfshirë “Bridesmaids”, “Jojo Rabbit” dhe serialin “Pitch Perfect’, Wilson thotë se nuk ka qëllim ta lëndojë yllin e “Borat”, por dëshiron të ndajë përvojat e saj të supozuara pasi “sa më shumë femra të flasin për gjëra të tilla, shpresojmë se më pak ndodh”.
Biondja pretendon se ajo ndjeu se sa herë që fliste me Baron Cohen gjatë xhirimeve në Afrikën e Jugut, “ai do të përmendte se donte që unë të dilja lakuriq në një skenë të ardhshme”, gjë që ajo thotë se nuk ishte aspak thelbësore për projektin.
Ajo e akuzon atë se i ka dhënë “udhëzime të rënda” dhe thotë se dukej sikur “donte që unë të dukesha dhe të ndihesha e tmerrshme”, gjoja duke e bërë atë të ndryshojë me rroba më të vogla “ku mund të shihje sa më shumë celulit”.
Wilson, e cila thotë se ishte “e frikësuar”, pretendon se nuk kishte regjisor apo ekip xhirues përreth dhe shton: “Mendimi im është që Sacha Baron Cohen nuk i bën njerëzit të ndihen rehat”. /Telegrafi/
