E donte shumë një fëmijë dhe nuk ngurronte ta përmendte shumë shpesh në intervista. Aktori turk Ozcan Deniz do të bëhet baba.
Lajmi i lumtur për aktorin e njohur si Fakurku i “Nusja e Stambollit” bëhet i ditur nga gazeta “HaberTurk”, sipas të cilës e dashura e tij është dy-muajshe shtatzënë.
Aktori 45-vjeçar do të bëhet baba nga 25-vjeçarja, Feyza Aktan, me të cilën është në një lidhje dashurie prej më shumë se një viti.
Sipas “Haberturk”, Deniz është parë tejet i lumtur dhe dridhej teksa përqafonte të dashurën e tij.
Çifti kishte nisur përgatitjet për martesë, por tashmë mësohet se ata nuk do të nxitojnë në mënyrë që nëna e ardhshme të mos përjetojë telashe gjatë shtatzënisë. /Telegrafi/
