Pas një angazhimi të Cedric, Jorge Molina i kaloi mysafirët në epërsi (14’) duke mposhtur Diego Lopezin, të cilin e inkuadroi Ancelotti në portën vendase para Iker Casillasit.
Los Blancos arritën ta barazojnë rezultatin përmes Karim Benzemas, i cili u asistua nga Isco (26’).
Në pjesën e dytë, vendasit u angazhuan shumë, Cristiano Ronaldo pati disa raste, por dështoi të shënonte.
Megjithatë, ishte ky debutimi i ëndrrave për Iscon me fanellën e Realit në La Liga. Marcelo dërgoi një krosim të mrekullueshëm drejt mesfushorit spanjoll, i cili e shënoi golin e fitores (86’). /Telegrafi/