Real Madrid ka arritur një fitore me rikthim ndaj Gironas me rezultat 4-2, në ndeshjen e parë çerekfinale në Kupën e Mbretit.
Girona ka befasuar Real Madridin duke kaluar në epërsi në minutën e shtatë të ndeshjes, kur shënoi Lozano për 1-0 pas asistimit nga Garcia.
Real Madrid u kundërpërgjigj shpejtë pasi në minutën e 18-të barazoi rezultatin në 1-1 kur shënoi Lucas Vasquez.
E tre minuta para fundit të pjesës së parë, Sergio Ramos realizoi një gol spektakolar nga penalltia për 2-1.
Pjesën e dytë më mirë e nisën mysafirët të cilët gjetën edhe golin e barazimit 2-2.
Ishte minuta e 66-të e ndeshjes kur nga pika e bardhë për Gironën realizoi mesfushori Granell për 2-2.
Por një kapiten nuk e lë asnjëherë në lloç skuadrën e tij dhe kështu ndodhi edhe njëherë pasi Sergio Ramos doli në skenë.
Braziliani Marcelo harkoi bukur në zonë, ndërsa Sergio Ramos shënoi një gol edhe më të bukur me kokë për 3-2.
Tre minuta më vonë, një tjetër brazilian ishte asistues, kësaj radhe Vinicus JR asistoi për Benzeman i cili shënoi për 4-2.
Deri në fund Los Blancos tentuan të shënonin edhe golin e pestë në ndeshje por një gjëje të tillë nuk ia arritën.
Ndeshja kthyese mes Gironës dhe Real Madridit do të zhvillohet pas një jave. /Telegrafi/
https://www.youtube.com/watch?v=g8hIBvhebgw
https://www.youtube.com/watch?v=HnTdG52P7NE
https://www.youtube.com/watch?v=3NWLkODjGCw
https://www.youtube.com/watch?v=xvC0dpN19rs
https://www.youtube.com/watch?v=Fc82PZ84Qtk