Real Madridi e ka cilësuar përjashtimin e Jude Bellingham nga loja për protestat e tij për golin e anuluar ndaj Valencias si një ‘vendim të paprecedentë të gjyqtarit’.
Reprezentuesi anglez mendoi se ai e kishte fituar ndeshjen për ekipin e tij pas golit të shënuar me kokë në sekondat e fundit të takimit, por gjyqtari Gil Manzano i kishte rënë bilbilit për ta përfunduar ndeshjen me rezultat të barabartë 2-2.
20-vjeçari u ndëshkua me karton të kuq për protestat e tij, pasi tha në drejtim të gjyqtarit ‘it’s a f*cking goal’ dhe mbi këtë dhe rastet tjera kontroverse, “Los Blancos” ka lëshuar një njoftim zyrtar në uebfaqen e tyre.
“Një vendim i paprecedentë i Gil Manzanos pengoi fitoren e Real Madridit ndaj Valencias në Mestalla. Me rezultatin 2-2 në aksionin e fundit të ndeshjes, Brahim krosoi brenda zonës dhe Bellingham e finalizoi me një goditje me kokë duke e bërë 2-3. Por gjyqtari e anuloi golin duke sinjalizuar fundin e ndeshjes, teksa topi ishte në ajër”.
“Liderët e ligës merituan tri pikët, por shtuan vetëm një në një ndeshje ku ishin duke humbur 2-0. Dy gola nga Vinicius barazuan ndeshjen e cila u vendos me vendimin e Gil Manzanos”, ishte reagimi i Real Madridit për rastin.
Kjo dramë e zhvilluar në fund të ndeshjes në një farë mënyre e la në hije performancën fantastike të Vinicius Junior i cili si shpeshherë këtë sezon ishte ‘heroi’ i madrilenëve.
Gjiganti spanjoll do të synojë ta lë këtë ndeshje prapa krahëve, ndërsa tash do të fillojnë përgatitjet për duelin e së martës ndaj Leipzigut në “Santiago Bernabeu” në kuadër të ndeshjes së dytë të fazës së 1/8 së finales në Ligën e Kampionëve./Telegrafi/
This video shows how Jude Bellingham and Real Madrid got robbed.
And I love it ??
Just RT to annoy madrid fans ? pic.twitter.com/AUueBObBjV— Modern (@FCBmodern) March 3, 2024