Raportimet e shumta të mediave italiane shkruajnë se Interi kanë rënë dakord për të gjitha detajet e marrëveshjes për Achraf Hakimin për të cilën do të paguajë 40 milionë euro, plus 5 milionë euro bonuse.
Mediat spanjolle dhe franceze kishin shkruar gjatë 24 orëve të fundit, që Real Madrid kërkonte të vihej një klauzolë e riblerjes për lojtarin, por kjo mundësi është refuzuar nga klubi italian.
Sidoqoftë, Sky Sport Italia, Sportitalia dhe media tjera italiane shkruajnë se Real Madrid nuk ka përfshirë asnjë klauzolë në marrëveshje.
Do të jetë një marrëveshje prej 40 milionë euro plus deri në 5 milionë euro në bounse.
Lojtari do të nënshkruajë një kontratë pesë vjeçare me pagë 5 milionë euro.
Largimin e tij nga Borussia Dortmund e ka konfirmuar drejtori Michael Zorc, pasi në Gjermani ka qenë në huazim në dy vitet e fundi.
Hakimi pritet të fluturojë për testet mjekësore të hënën ose të martën.
Gianluca Di Marzio shkruan se Bayern Munich dhe Manchester City kanë ofruar deri në 60 milionë euro, por lojtari ka zgjedhur Interin për ta vazhduar karrierën. /Telegrafi/