Jorge Valdano mendon se Sergio Ramos do ta vazhdojë kontratën me Real Madridin, me këta të fundit që nuk do ta përsërisin gabimin e njëjtë si me Cristiano Ronaldon.
Kontrata aktuale e mbrojtësit spanjoll skadon në qershor dhe në këtë verë ai mund të jetë lojtar i lirë, nëse Los Blancos nuk e bindin atë që të vazhdojë marrëveshjen.
Valdano beson se të dyja palët janë të gatshme të arrijnë një marrëveshje për rinovim kontrate dhe kjo gjë pritet shumë shpejtë pritet të ndodhë.
“Ai do të përfundojë duke rinovuar kontratën me Real Madridin. Do të ishte një gabim nga të dy palët nëse nuk do të bëhej”, ka thënë ish-lojtari dhe trajneri i madrilenëve për El Transistor
“E njëjta gjë ndodhi me Cristianon. Real Madrid mbeti pa Ligën e Kampionëve dhe Cristiano pa Topin e Artë”, ka shtuar më tej ai.
Real Madridi është duke punuar edhe për transferime të reja si Erling Haaland, Kylian Mbappe dhe Eduardo Camavinga. /Telegrafi/