Real Madridi nuk ka arritur më shumë se një barazim 0-0 në udhëtim te Osasuna në takimin e vlefshëm për javën e 18-të në La Liga.
Mbretërit janë ndalur me barazim nga Osasuna dhe kanë humbur mundësinë të rrëmbejnë pozitën e parë në tabelë.
Pjesa e parë e ndeshjes u karakterizua me lojë të barabartë nga të dyja skuadrat, të cilat ruheshin nga njëra-tjetra.
Megjithatë, rastet ishin të vakëta dhe skuadrat nuk arritën të ndryshojnë shifrat gjatë kësaj pjesë-loje.
⏸ HT: @caosasuna_en 0-0 @realmadriden #RMLiga | #OsasunaRealMadrid pic.twitter.com/OruHZUjztj
— Real Madrid C.F. 🇬🇧🇺🇸 (@realmadriden) January 9, 2021
Në pjesën e dytë, Reali luajti më mirë dhe ishte më kërkues në kërkim të golit të fitores.
Mbretërit arritën të gjejnë golin në minutën e 61-të me anë të Karim Benzema, por ky gol u anulua për pozitë jashtë loje.
Deri në fund, të dy skuadrat tentuan të shënojnë golin e fitores, me Realin që gjeti përsëri golin me Marianon (’89’), por edhe kësaj radhe nga pozita jashtë loje dhe takimi u mbyll me rezultat të bardhë 0-0.
🏁 FT: @caosasuna_en 0-0 @realmadriden #Emirates | #HalaMadrid pic.twitter.com/e6G7NmAK7i
— Real Madrid C.F. 🇬🇧🇺🇸 (@realmadriden) January 9, 2021
Pas këtij barazimi, Reali e sheh veten në pozitën e dytë me 37 pikë apo një më pak se lideri Atletico Madridi, ndërsa Osasuna zë vendin e 19-të me 15 pikë.
Në ndeshjen e radhës, Los Blancos udhëtojnë te Deportivo Alavesi, ndërsa Osasuna udhëton te Granada. /Telegrafi/