Sezoni i Real Madridit mori fund pas eliminimit nga Liga e Kampionëve, kur pësuan në të dyja ndeshjet nga Manchester City.
Lojtarët u mblodhën për një bisedë në të cilën menaxheri i përgjithshëm Jose Angel Sanchez iu drejtua skuadrës.
Gjatë bisedës së tij, ai i informoi ata se klubi në përgjithësi ishte i lumtur me paraqiten e tyre në sezonin 2019/20 , pavarësisht përfundimit zhgënjyes në Evropë.
Ai gjithashtu shfrytëzoi rastin për të konfirmuar largimin e Alphonse Areolas, duke sqaruar se klubi nuk ishte në pozitë të mirë financiare që ta blejë përfundimsht.
Pas kësaj, u sqarua se nuk do të kishte asnjë nënshkrim gjatë kësaj vere për shkak të ndikimit financiar të COVID-19.
Nëse do të vijnë lojtarë, ata do të jenë emra si Martin Odegaard, Dani Ceballos dhe Andriy Lunin që janë në pronësi të klubit, shkruan Marca.
Florentino Perez tashmë kishte shprehur besimin e tij se ‘nënshkrimet e mëdha’ duhet të presin për shkak të situatës së vështirë që klubi dhe bota po kalon.
Biseda përfundoi duke iu kujtuar lojtarëve që duhet të jenë përgjegjës gjatë pushimeve të tyre, të cilat do të përfundojnë më 30 gusht. /Telegrafi/