Real Madridi ka fituar me vështirësi në shtëpi ndaj Real Valladolidit me rezultat minimal 1-0 në ndeshjen e vlefshme për javën e katërt në La Liga.
Mbretërit kanë vazhduar serinë pozitive duke marrë fitoren e dytë radhazi në kampionat nga tri ndeshje të zhvilluara deri më tani, pasi njëri takim i është shtyrë shkaku i angazhimeve në garat evropiane.
Pjesa e parë e ndeshjes u karakterizua me lojë më të mirë të ekipit të Zinedine Zidane, duke krijuar shumë raste, por raste të mira patën edhe mysafirët.
Megjithatë, kryeqytetasit nuk arritën ta gjejnë rrjetën në asnjë rast dhe shkuan në pushim me rezultat të barabartë.
⏸ HT: @realmadriden 0-0 @realvalladolidE#RealMadridRealValladolid | #HalaMadrid pic.twitter.com/L9qQ77dOBm
— Real Madrid C.F. 🇬🇧🇺🇸 (@realmadriden) September 30, 2020
Në pjesën e dytë, Reali ngriti nivelin e lojës dhe pas disa rasteve të krijuara gjetën edhe golin e epërsisë.
Ishte i inkuadruari në pjesën e dytë Vinicius Junior (65’), i cili nga afërsia shënoi për 1-0 dhe ky goli të ishte goli i fitores për Los Blancos.
⚽️⌛️ Eight minutes: more than enough for @vinijr!#HalaMadrid | #RealMadridRealValladolid pic.twitter.com/BCj02NqcXr
— Real Madrid C.F. 🇬🇧🇺🇸 (@realmadriden) September 30, 2020
Pas kësaj fitore, Reali ka shtatë pikë në vendin e tretë, ndërsa Valladolidi renditet në pozitën e 18-të me vetëm dy pikë.
Në ndeshjen e radhës, Mbretërit udhëtojnë te Levante, teksa Valladolidi e pret Eibarin. /Telegrafi/
Goal Vinicius Junior, 1-0! #RMAVAL 🇪🇸#LaLiga pic.twitter.com/3Zu49KnYmR
— The Football Structure (@TheFS_Live) September 30, 2020