E ashtuquajtur si ‘klauzola e frikës’ nuk ekziston më te Real Madridi. Sipas ‘Jugones ’, Real Madridi e ka hequr nga politika e tyre, atë kur një lojtar huazohet të mos ketë të drejtë të luajë kundër Los Blancos.
Si rezultat i kësaj, portieri Andriy Lunin do të jetë në dispozicion për të luajtur për Real Valladolid të shtunën në Bernabeu.
Kjo klauzolë vihej që lojtari i huazuar të mos luante, pasi mund të shënonte dhe të krijonte lidhje të keqe me tifozët, por edhe më gjërë.
Ai nuk pritet të fillojë nga minuta e parë, pasi Jordi Masip është vendosur si numri një i skuadrës.
Nuk ka kufizime te Valladolidi, as Jorge de Frutos dhe Javi Sanchez, që kanë ardhur nga skuadra ‘B ’e Madridit, e njohur si Real Madrid Castilla.
Përveç treshes së Valladolid, janë edhe pesë lojtarë të tjerë që do të jenë të lirë të luajnë kundër Real Madridit në LaLiga si: Borja Marojal (Levante), Sergio Reguilón (Sevilla), Martin Odegaard (Real Sociedad), Rodríguez (Leganés) dhe Takefusa Kubo (Real Mallorca) .
Ndërkohë, kjo klauzolë nuk vlen as për Dani Ceballos, Jesús Vallejo dhe Achraf Hakimi që mund të përballen me Madridin në garat evropiane. /Telegrafi/